أبريل 2006

ميلادك الثاني ..

29 أبريل 2006

ميلادك الثاني يمر على العيون الناعسات
لا تشوفيهن .. غدن من بعد لينٍ قاسيات
لا تلوميهن ابد .. دامها نشفت دموع
ترا الهوايل من سب بعدك عاصفات

ابعدي عن كل احقاد البشر
وافرحي في دنيا مليانه زهر
وان كان انظارهم عليك
لا يهمك دامها ..
من عيونٍ قاصرات

مايفهموا اللي بيني وبين قلبك والشعور
مايقدروا اللي في فكري لك يدور
مايفهمو نبض الحياة مايفهمو حكي الطيور
مايفهمو رحلة زمن عبر العصور
كنا بها انا وانتي والحياة
والمحبه
والهوى
وأحاسيس وجوى
كل رمش من رموشي .. لعيوني .. ولجفوني
في وسط حسنك حايرات

ميلادك الثاني غدا .. ميلاد جرحٍ وابتدا
ميلاد شمتات العدا ..
ميلاد ضربات قاضيات

لا تشيلي همي ابد .. ولا تشغلي فكرك ابد
مابانسى في يوم العهد
ولو انتهى عهد الحياة

اتمنى ميلادك فرح .. في دنيا ناسيها الترح
بعيد عن قلبن جرح أية احاسيس صادقات

وماودي في عيشي ابد
غير تصبح لك حياة
حلوه سعيدة هالحياة
الوانها دووم الابد

زاهياتٍ زاهيات

سامحيني

5 أبريل 2006

سامحيني ان كنت قاسي وسامحيني ان كنت باقسى
سامحيني ان كنت بابعد دون لآخذ أي مشوره

سامحي حبي وشوقي وسامحي قلبن ما ينسى ..
سامحيه وخلي حب خلن لخلن بأزهى صوره

انتي لي أجمل مافي هالكون من جنه وانسه
وانتي ليلي وانتي صبحي كنتي ظلمه ولا نوره

وانتي ياروحي تراكي انتي للقلب انتي أنسه
وانتي نبضه آه يانبضه وكل أحاسيسه وشعوره

ما ألوم القلب يوم انه لقاك في البحر مرسى
ما ألومه إن كان بعدك يمنع الموج له عبوره

ماألوم الشوق يوم انه في بُعدك يسلي أمسه
ماألومه لا حبيبي .. لا حبيبي ما ألومه

سامحيني ان كنت قاسي وسامحيني ان كنت باقسى
سامحيني وانسي عني كل لحظة وكل صورة

سامحي حبي وشوقي وسامحي قلبن ماينسى
وقدّري اني لاجلك بس .. بابعد دون مشوره