أغسطس 2006

الليل الطويل

29 أغسطس 2006

إلى الليل .. واخص بالذكر الليلة القمرة .. وإلى القمر.. (وإلى ماوراء ذلك).

الا ياليل يامطول ..
متى نرجع مثل الأول؟؟
نتسامر ونتشاور
وتحت القمرة نتمشى ..
ونتجول

تسولفلي واسولفلك
وتشكيلي وانا اسمع
وتهديلي انا قلبك
وآخذ عنّك الأوجاع

ونتذكر ليالي راحت ا بلا عودة(ن) احمد
تراني فيك لاجل ذكراك ..
غديت من النعاس أشرد
عيوني عيون الصاحي الأسهد
ولكن في لحظها..
تنادي النوم بليا نوم
وتتخيل هذاك اليوم

يوم ان تصدف النظرة النظرة
ويوم ان تلهف القلوب منتظرة
تترقب ..
هذاك الملاقى الأحر امن الشمس
يلاحقها دفاي بالهمس ..
واضمك حيل كما أم(ن) .. لقت من بعد ذاك البعد ضناها راجع(ن) الها ..
“ياشين طول هالسفرة”.
وأنا اترقب ..
هذاك الزول

هذاك الزول الى بين علي ابغاه يقربني عليك
ولكن ..
كل ماقرب اشوفه غير الوجهة .. يبيك
حتى طيفك مابغاني .. حتى في ذيك الاماني
ياتهاني .. وياتهاني .. ويابخت هالطيف فيك

تظن اني في يوم أنسى؟!
نظن بتختفي الأشواق؟!
ترى قلبي رفض يقسى
ولو انه يطول فراق

وانا بابقى.. بك .. ولا من دونك ..
كافيني هالليل الطويل
والقمرة ..
تضوي نارنا اكثر .. وتحلي لاجلنا السهرة

ونغني مع بعضنا بالاسى والآه:

الا ياليل يامطول ..