أكتوبر 2006

خذيني كلي

27 أكتوبر 2006

المقدمة: شر البلية مايضحك.


ابأرسلك مع الانفاس بوسه
تسافر من غلاها ال غلاها

تفارق فمٍ تلامس ضروسه
وترحل للي اتعبته شفاها

الا ياتاركه نفسي بحوسه
تعالي ورتبي لنفسي سماها

تعالي لشاعرٍ عاشق متيم
وحيد بدنيةٍ انتي ضياها

تعالي نوصل حبال المودة
وقولي لمن تودي: يارضاها

حسبت ان المفارق سهل وانه
كلام العقل لا يرضى السفاهه

ولكن ردني قليبي وعيا
وعيا ثم عيا عن جفاها

يقول العقل وش لك ف البنية؟
يرد القلب: ماتعرف غلاها؟!

وحسبت ان المشاعر سهل تكبح
وقلت اسهل نغطيها بغطاها

ولا من شاف ولا من يدري فيها
ماغير اللي محيرني هواها

ولكن تفضح دموع المحبي
اذا في وقتٍ قليبي طراها

وانا قدام عيني باقي منصت
حديث العين – ياخابرها – ماها

حسبت ورغم الحساب الدقيقي
عجزت احسب وش قده غلاها

ولكن ادري انه لو تقولي:
“ابي عينك” ترى عيوني فداها

وازيد اقول: ماودك بكلي؟؟
خذيني كلي لزوم الرفاهه