يونيو 2007

بحث الصغير على ابتسامة

21 يونيو 2007
The Incesns by Leen Kayyali

The Incesns by Leen Kayyali

(١)
بحث الصغير عن ابتسامة
هل ترى كانت قريبة
كيف وذاك الحزن في الوجه غدى
مثل العلامة؟
كيف ووقته قد مضى في غير أشياء الطفولة
في شغله
عن لعبه
عن حلمه
عن علمه
في نظرةٍ
تلك الخجولة
يطلب المار على أغراضهِ كي يفعل الشيء الجميل
وللأسف!
الفقر أفسد كل ماكان جميلاً

(٢)
بحث الصغير عن ابتسامة
بحث وقد كان الأمل
بالنوم مرتاحًا بعيدًا عن سياط الظلم تحكي قصةً
قصة أبطالها
رجلٌ و مال
في ظلمةٍ يستمتعان
وهو الملك
والأخرون
كلهم عمال
يبنون مايبنون
ينسون من ينسون
يعيلون من يعيلون
عاقلٌ سيدهم
أم هو المجنون
!لايهم
المهم أنه وماله
وفسادهم
في ظلمةٍ يستمتعون

(٣)
وتستمر
قصة الأموال يطهوها الطهاة
في أكلةٍ
محرمة
إلا على جيوبهم
جيوب أسيادٍ طغاة
ألا لإنهم إذا
صارت معايير البشر
في انضباط
لتغيرت أسماِؤهم
ولكان يدعى كلهم
“بدهائهم في الشر – “أذنابٌ دهاة –

(٤)
ولحينه
ابحث صغيري جاهدًا
– حتى تجد في لحظةٍ – حتى وإن كانت صغيرة
ريح ابستامة

مركب العمر .. بمناسبة التخرج

17 يونيو 2007

بعض الأبيات بمناسبة التخرج 😀


بسمك الهي .. نرتجي بعض عطفك
اغفر لنا الزلات وذنبٍ فعلناه

والحمدلله عد ماهو لفانا
طيب وشينٍ وعد ماهو نتمناه

راحت سنين كثار والجاية أكثر
والمركب اللي ماعرف وين مرساه

من مينا لمينا ولاهو بيّت
جاه المسا مصبح ولاهو تحراه

والعمر يسري ماسأل منهو يبغى
يبقى مواصل للسهر وقت مسراه

البارحة كنت متشعبط في “ماصة”
ماسك قلم وكتاب عاجز لا اقراه

واليوم العب في الكتب مثل “شدة”
عله يفيد اليوم ماقد وسعناه

اليوم ريحنا في مرسى شوية
جانا التخرج بعض مما جنيناه

علومنا واغدت علومٍ كثيرة
موقف يعلمنا وموقف غفلناه

وموقف يعلم في الخفوق بعلامة
زينه وشينه ونعجز ماسليناه

ياكثر حبينا وياما كرهنا
وياكثر من حبنا وحنا ماعفناه

عيد بليا حباب

5 يونيو 2007

صباح النور بعد ليلٍ بلا صحو وبلا رقادي
صباحٍ حيا هالدنيا بنسمة تلفح الوادي
صباح العيد يوم ان عاد ياحي الله من عادي
وكل عامٍ وانتو بخير ياللي بيوم تسامرنا

يحق للزين يتغلى ولو حتى بهمساته
واذا يبغى يزيد اكثر عليه يزيد بسكاته
ولكن لايخلي القرب تزيد اليوم مسافاته
ويتحول علينا بعاد .. بعد قربٍ تفرقنا

ترانا ما نسينا يوم سمعناكم/سمعتونا
ترى ابدًا ما جحدناكم ولو حتى جحدتونا
ولا في يوم لمناكم يوم انْكم تركتونا
ولكن لومنا عاللي يسافر مايودعنا

ألا ياناصحي عذرًا رياح الشوق تعاندني
وإذا في يوم سهت عني يجيها يوم تدهمني
وحتى لو جزمت اسلى يجيني اللي يأيسني
أماني ويمكن إنها أوهام: عسى ربي يجمعنا

ألا ياعيد بليا أحباب ألا ياكيف نفرح بك؟
إذا كان البشر حولك ولكن ماهو بقربك
حبيب القلب – جعلي افداه- وحشك بقوله: أحبك
ألا ياعيد لاتعاتب الين تعايش المعنى

سلامي لك ياهاجر في يوم ويوم لي ترجع
أنا ادري ماهو بكيفك وانا ادري ان الفراق يوجع
وأنا ادري صعب اتعود اذا بدلت انا المهجع
ولكن وش أسوي دامها الأقدار تمنعنا؟